കീടം

       കീടം 

        (1)

ഇട  നെഞ്ചിൽ എരിഞ്ഞു തീർന്ന

നെരിപ്പോടിനിപ്പോൾ

ചാരക്കൂമ്പാരങ്ങളുടെ കറുത്ത

 അവശേഷിപ്പുകളുണ്ട്

പ്രക്ഷുബ്ധതയിലും 

അവ

നിശബ്ദമായി

കരളു കാർന്നു തിന്നുന്നു

ഹൃദയത്തെ ചുറ്റികകളാലടിക്കുന്നു

           (2 )

ചാരങ്ങളൊക്കെയും എരിഞ്ഞു തീർന്ന

ചിന്തകളുടെ അവശേഷിപ്പുകളാണ്

.കത്തി ച്ചാമ്പലായവയും

വെന്തെരിഞ്ഞവയുംആത്മഹത്യ ചെയ്‌തവയും

ധീരമായി പോരാടിയവയും അതിൽ ഉണ്ടായിരുന്നിരിക്കാം

                  (3)

പക്ഷെ ചാരത്തിന്റെ കഥ പറയാൻ

ഇനിയും വരികൾ വേണമെന്ന് തോന്നുന്നില്ല ,

കണ്ണീരിനും വെണ്ണീറിനും

ഇടയിൽ

ഒരുപാടൊന്നും ദൂരമില്ലല്ലോ